2026 წლის აგვისტოში თბილისში ახალ პროექტებში ტრანზაქციების რაოდენობა გასული წლის აგვისტოსთან შედარებით 23.7%-ით გაიზარდა. ზრდა დაფიქსირდა ახალაშენებული ბინების როგორც პირველად (22.9%), ისე მეორეულ ბაზრებზე (24.5%). ახალ პროექტებში ტრანზაქციების რაოდენობის ზრდა ასახავს გაზრდილ მიწოდებას, ზრდის ძირითადი ნაწილი მოდის სამგორსა და დიდ დიღომზე. ტრანზაქციების რაოდენობა 3.8%-ით გაიზარდა ძველ პროექტებშიც. თბილისში, როგორც ძველ ისე ახალ პროექტებში ტრანზაქციების უმეტესობა საქართველოს მოქალაქეებზე მოდის, უცხოეთის მოქალაქეების წილი გასული წლის აგვისტოსთან შედარებით გაიზარდა და 14% შეადგინა.

2026 წლის აგვისტოს თბილისში ახალაშენებული ბინების საშუალო შეწონილი გასაყიდი ფასი 2025 წლის აგვისტოსთან შედარებით 10.4%-ით გაიზარდა გარეუბნებში, 16%-ით - ფართო ცენტრში, ხოლო, ქალაქის ცენტრში 16.7%-იანი ზრდა დაფიქსირდა. ქალაქის მასშტაბით პირველადი ტრანზაქციების საშუალო შეწონილი ფასის ზრდამ 11.9% შეადგინა. მეორეულ ბაზარზე კი საშუალო შეწონილი ფასი ქალაქის მასშტაბით 11%-ით გაიზარდა.

2026 წლის აგვისტოში თბილისში ძველი ბინების საშუალო შეწონილი გასაყიდი ფასი 2025 წლის აგვისტოსთან შედარებით ქალაქის ცენტრში 3.4%-ით, ფართო ცენტრში 19.1%-ით, ხოლო გარეუბანში 12.6%-ით გაიზარდა. ქალაქის მასშტაბით ძველ პროექტებში ფასმა 10.5%-ით მოიმატა.

ბათუმში 2026 წლის აგვისტოში ახალაშენებული ბინების საშუალო შეწონილი ფასი გასული წლის აგვისტოსთან შედარებით 1.2%-ით გაიზარდა და კვ.მ-ზე 1,386 აშშ დოლარი შეადგინა. აღსანიშნავია, რომ პირველად ბაზარზე მაჩვენებელმა 16.3%-ით იკლო, ხოლო მეორეულ ბაზარზე, პირიქით, 12.8%-იანი ზრდა დაფიქსირდა. პირველად ბაზარზე ფასის კლება აიხსნება 2025 წლის აგვისტოში ერთ-ერთი ძვირადღირებული პროექტის ტრანზაქციების ერთიანი რეგისტრაციით. ამ პროექტის გარეშე პირველად ბაზარზე საშუალო შეწონილმა ფასმა 1.2%-ით მოიმატა.

2026 წლის აგვისტოში თბილისში საცხოვრებელი ბინების ტრანზაქციების რაოდენობამ 3,388 ერთეული შეადგინა და გასული წლის აგვისტოსთან შედარებით 18.9%-ით გაიზარდა. ბაზრის ზომამ კი 35.2%-ით, 297 მილიონ აშშ დოლარამდე მოიმატა

ბათუმში 2026 წლის აგვისტოში ახალაშენებული ბინების ტრანზაქციების რაოდენობა 2025 წლის აგვისტოსთან შედარებით 6.3%-ით შემცირდა, ძველი ბინების ტრანზაქციებმა კი 31.4%-ით მოიმატა. ახალ პროექტებში ტრანზაქციების რაოდენობის კლება მხოლოდ პირველად ბაზარზე დაფიქსირდა (-24.2%), მეორეულ ბაზარზე კი მაჩვენებელმა 15.1%-ით მოიმატა. ტრანზაქციების რაოდენობის კლება პირველად ბაზარზე შეიძლება აიხსნას 2025 წლის აგვისტოში რამდენიმე პროექტში ერთიანად დარეგისტრირებული ტრანზაქციებით, რამაც გაზარდა გასული წლის მაჩვენებელი.

2026 წლის აგვისტოში ბათუმში საცხოვრებელი ბინების ტრანზაქციების რაოდენობამ გასული წლის აგვისტოსთან შედარებით 4.3%-ით იკლო და 1,235 ერთული შეადგინა, ბაზრის ზომა კი 2.9%-ით 81 მილიონ აშშ დოლარამდე გაიზარდა. უცხოელი მყიდველების წილმა ძველი და ახალი პროექტების ტრანზაქციებში გადაუსწრო ქართველი მყიდველების წილს და 52% შეადგინა.

2026 წლის ივლისში თბილისში ახალაშენებული ბინების საშუალო შეწონილი გასაყიდი ფასი 2025 წლის ივლისთან შედარებით 10%-ით გაიზარდა გარეუბნებში, 14.8%-ით - ფართო ცენტრში, ხოლო, ქალაქის ცენტრში 13.3%-იანი ზრდა დაფიქსირდა. ქალაქის მასშტაბით პირველადი ტრანზაქციების საშუალო შეწონილი ფასის ზრდამ 10% შეადგინა. მეორეულ ბაზარზე კი საშუალო შეწონილი ფასი ქალაქის მასშტაბით 9.6%-ით გაიზარდა.

2026 წლის ივლისში თბილისში ძველი ბინების საშუალო შეწონილი გასაყიდი ფასი 2025 წლის ივლისთან შედარებით ქალაქის ცენტრში 15.1%-ით, ფართო ცენტრში 2.3%-ით, ხოლო გარეუბანში 12.8%-ით გაიზარდა. ქალაქის მასშტაბით ძველ პროექტებში ფასმა 13.8%-ით მოიმატა.

2026 წლის ივლისში თბილისში ახალ პროექტებში ტრანზაქციების რაოდენობა გასული წლის ივლისთან შედარებით 29.8%-ით გაიზარდა. ზრდა დაფიქსირდა ახალაშენებული ბინების როგორც პირველად (30.5%), ისე მეორეულ ბაზრებზე (28.9%). ახალ პროექტებში ტრანზაქციების რაოდენობის ზრდა ასახავს გაზრდილ მიწოდებას, ხოლო ზრდის 44% სამგორის უბანზე მოდის. ტრანზაქციების რაოდენობა 1.6%-ით გაიზარდა ძველ პროექტებშიც. თბილისში, როგორც ძველ ისე ახალ პროექტებში ტრანზაქციების უმეტესობა საქართველოს მოქალაქეებზე მოდის, უცხოეთის მოქალაქეების წილი კი 2026 წლის ივლისში მხოლოდ 12% იყო.

2026 წლის ივლისში ბათუმში საცხოვრებელი ბინების ტრანზაქციების რაოდენობამ გასული წლის ივლისთან შედარებით 11.8%-ით იკლო და 1,378 ერთული შეადგინა, ბაზრის ზომა კი 5.2%-ით 92 მილიონ აშშ დოლარამდე შემცირდა. უცხოელი მყიდველების წილი ძველი და ახალი პროექტების ტრანზაქციებში გასული წლის ივლისთან შედარებით გაიზარდა და 48% შეადგინა, ხოლო ქართველი მყიდველების წილი 50%-მდე შემცირდა.

ბათუმში 2026 წლის ივლისში ახალაშენებული ბინების ტრანზაქციების რაოდენობა 2025 წლის ივლისთან შედარებით 11.1%-ით შემცირდა, ძველი ბინების ტრანზაქციებმა კი 22.4%-ით იკლო. ახალ პროექტებში ტრანზაქციების რაოდენობის კლება მხოლოდ პირველად ბაზარზე დაფიქსირდა (-32.8%), მეორეულ ბაზარზე კი მაჩვენებელმა 19.1%-ით მოიმატა. ტრანზაქციების რაოდენობის კლება პირველად ბაზარზე შეიძლება აიხსნას 2025 წლის ივლისში რამდენიმე პროექტში ერთიანად დარეგისტრირებული ტრანზაქციებით, რამაც გაზარდა გასული წლის მაჩვენებელი.